" If you fell down yesterday, stand up today."

தடைக்காலம் இன்று முடிகிறது மீன் விலை குறையும் என எதிர்பார்ப்பு

Views - 50     Likes - 0     Liked


  • மீன்பிடித் தடைக்காலம் இன்றுடன் முடிவடைவதைத் தொடர்ந்து மீனவர்கள் நேற்று நள்ளிரவு முதலே கடலுக்குள் மீன்பிடிக்க புறப்பட்டுச் சென்றனர். இதன் காரணமாக மீன் விலை குறையும் என எதிர்பார்க்கப்படுகிறது.

    வங்கக் கடலில் மீன்கள் இனப் பெருக்கம் செய்வதற்காக ஆண்டுதோறும் தமிழக கடலோர மாவட்டங்களில் 45 நாட்கள் மீன்பிடி தடைக்காலம் அமல்படுத்தப்பட்டு வருகிறது. இந்த ஆண்டுக்கான மீன்பிடி தடைக்காலம் கடந்த ஏப்ரல் 15-ம் தேதி தொடங் கியது.

    இதனால் சென்னை காசிமேடு மீன்பிடி துறைமுகத்தில் 1,500-க் கும் மேற்பட்ட விசைப்படகுகள் கடலுக்குள் செல்லாமல் கரை யோரம் நிறுத்தி வைக்கப்பட்டன. மே 29-ம் தேதியுடன் தடைக்காலம் முடிவு பெற இருந்தது.

    இந்நிலையில் கப்பல் மோதிய விபத்தால் கடலில் எண்ணெய் படலம் பரவியது மற்றும் பணமதிப்பு நீக்க நடவ டிக்கை உள்ளிட்ட காரணங்களால் சென்னை, காஞ்சிபுரம் மற்றும் திருவள்ளூர் ஆகிய 3 மாவட் டங்களைத் தவிர மற்ற மாவட்ட மீனவர்களுக்கு மீன்பிடித் தடைக் காலத்தை 61 நாட்களாக நீட்டித்து தமிழக அரசு உத்தரவிட்டது.

    3 மாவட்ட மீனவர்கள்

    ஆனால், சென்னை உள்ளிட்ட 3 மாவட்ட மீனவர்கள் கடலில் மீண்டும் மீன்பிடிக்கச் செல்லவில்லை. இவர்கள் தமிழக எல்லையை ஒட்டி அமைந்துள்ள ஆந்திர கடல் பகுதியில் மீன்பிடிக்கச் செல்வர். அங்கு தடையுத்தரவு அமலில் உள்ளபோது தாங்கள் மீன்பிடித் தால் இருமாநில மீனவர்கள் இடையே விரோதம் வளரும் என்பதே இதற்கு காரணம். இந்நிலையில், 61 நாட்கள் மீன்பிடித் தடைக்காலம் இன்றுடன் முடிவடைகிறது. இருப்பினும் மீனவர்கள் நேற்று நள்ளிரவு முதலே கடலில் மீன்பிடிக்க புறப்பட்டுச் சென்றனர்.

    மீன்பிடி சாதனங்கள்

    காசிமேட்டில் இருந்து சுமார் ஆயிரத்துக்கும் மேற்பட்ட விசைப் படகுகள் கடலுக்கு மீன்பிடிக்க புறப்பட்டுச் சென்றன. இதற்காக நேற்று மீனவர்கள் படகுகளில் ஐஸ்கட்டிகள், டீசல், உணவுப் பொருட்கள், குடிநீர், வலை உள்ளிட்ட மீன்பிடிச் சாதனங்களை ஏற்றும் பணியில் தீவிரமாக ஈடுபட்டனர். மேலும், சில மீனவர்கள் தங்கள் படகுகளில் கடைசி நேர பராமரிப்பு பணிகளை மேற்கொண்டனர்.

    கடலில் மீன்பிடிக்கச் சென்ற மீனவர்கள் வரும் சனிக்கிழமை முதல் கரை திரும்புவர். இதன் காரணமாக மீன் விலை குறையும் என எதிர்பார்க்கப்படுகிறது

    News