" “Yesterday is history. Tomorrow is a mystery. .."

மத்திய அரசு அறிவிப்பு வங்கி கணக்கு தொடங்க ஆதார் கட்டாயம்

Views - 49     Likes - 0     Liked


  • வங்கி கணக்கு தொடங்க ஆதார் எண் கட்டாயம் என்றும், ஆதார் எண் இணைக்கப்படாத வங்கி கணக்குகள் முடக்கப்படும் என்றும், வங்கிகளில் ரூ.50 ஆயிரம் மற்றும் அதற்கு மேற்பட்ட பண பரிமாற்றத்துக்கும் அந்த எண் கட்டாயம் என்றும் மத்திய அரசு அறிவித்து உள்ளது.

    புதுடெல்லி

    அரசின் சலுகைகளை யும், நலத்திட்ட உதவி களையும் பெறுவதற்கு ஆதார் அடையாள எண்ணை மத்திய அரசு கட்டாயம் ஆக்கி உள்ளது. இது பல்வேறு சர்ச்சைகளை எழுப்பி உள்ளது.

    பட்ஜெட் அறிவிப்பு

    கடந்த பிப்ரவரி மாதம் 1-ந் தேதி பாராளுமன்றத்தில் மத்திய பட்ஜெட்டை நிதி மந்திரி அருண் ஜெட்லி தாக்கல் செய்து பேசியபோது, ‘பான்’ என்னும் வருமான வரி நிரந்தர கணக்கு எண்ணுடன் ஆதார் எண்ணை இணைப்பது கட்டாயம் என அறிவித்தார்.

    வரி ஏய்ப்பு செய்வதற்காக ஒருவர், ஒன்றுக்கு மேற்பட்ட பான் அட்டைகளை வைத்திருப்பதை தடுப்பதற்காக இந்த நடவடிக்கை மேற்கொள்ளப்படுவதாக அவர் தெரிவித்தார்.

    ஆதார் எண் கட்டாயம்

    இந்த நிலையில், ‘சட்ட விரோத பண பரிமாற்ற தடுப்பு (பதிவுகள் பராமரிப்பு) விதிகள், 2015’-ல் திருத்தங்கள் செய்து மத்திய அரசின் வருவாய்த்துறை ஒரு அறிவிக்கையை வெளியிட்டுள்ளது.

    இதில் வங்கிகளில் கணக்கு தொடங்குவதற்கு ஆதார் எண் கட்டாயம் என அறிவிக்கப்பட்டுள்ளது.

    இதே போன்று வங்கிகளில் ரூ.50 ஆயிரம் மற்றும் அதற்கு அதிகமான தொகை பரிமாற்றங்களுக்கு ஆதார் எண்ணை குறிப்பிடுவதும் கட்டாயம் ஆக்கப்பட்டுள்ளது.

    கணக்குகள் முடக்கம்

    தற்போது வங்கிகளில் கணக்கு வைத்துள்ள வாடிக்கையாளர்கள் வருகிற டிசம்பர் மாதம் 31-ந் தேதிக்குள் வங்கிகளில் தங்களது ஆதார் எண்ணை தெரிவித்து விட வேண்டும்.

    அப்படி அவர்கள் தெரிவிக்கவில்லை என்றால் அவர்களது வங்கி கணக்குகள் முடக்கப்படும் என தெரிவிக்கப்பட்டுள்ளது.

    சிறு கணக்குகளுக்கு கட்டுப்பாடு

    இந்த அறிவிக்கையில் இடம் பெற்றுள்ள பிற முக்கிய அம்சங்கள் வருமாறு:-

    * கே.ஒய்.சி. என்னும் வாடிக்கையாளர்கள் பற்றிய அனைத்து ஆவணங்கள் இன்றி சிறு கணக்குகளை தொடங்கி அதிகபட்சம் ரூ.50 ஆயிரம் வரையில் சேமிக்க முடியும். ஆனால் இந்த வங்கிகள், ‘கோர் பாங்கிங்’ என்று அழைக்கப்படுகிற மைய வங்கியியல் நடவடிக்கைகள் வசதி கொண்ட வங்கிகளாக இருக்க வேண்டும். (இதன்மூலம் வாடிக்கையாளர் அந்த வங்கியின் எந்தவொரு கிளை மூலமாகவும் அடிப்படை வங்கி பண பரிமாற்ற நடவடிக்கைகளை செய்து கொள்ள முடியும்.)

    * மேலும் கை முறையாக கண்காணிக்கப்படுகிற (மேனுவல் மானிட்டர்) வங்கிகளிலும் இத்தகைய சிறு கணக்குகளை தொடங்கலாம். அதே நேரத்தில் வெளிநாடுகளில் இருந்து இந்த வங்கி கணக்கில் பணம் செலுத்தப்படாது, மாதம்தோறும் குறிப்பிட்ட அளவிலான பரிமாற்றங்கள் மட்டுமே செய்து கொள்ளப்படும், ஆண்டு சராசரி கணக்கு பரிமாற்றம், இருப்பு ஆகியவற்றில் விதிமுறைகள் மீறப்படாது என்பதை வாடிக்கையாளர்கள் உறுதி செய்ய வேண்டும்.

    ஜூன் 1-ந் தேதி அமல்


    * மேற்கண்ட சிறு வங்கி கணக்குகளை 12 மாதங்கள் தொடரலாம். அதன்பின்னர் செல்லத்தக்க அடையாள சான்று ஆவணங்களை பெற விண்ணப்பித்தாகி விட்டது என்பதற்கான ஆதாரத்தை வாடிக்கையாளர் அளித்தால் மேலும் 12 மாதங்கள் வங்கி கணக்கை தொடர முடியும்.

    * மத்திய அரசு வருவாய்த்துறையின் அறிவிக்கைபடி, ரூ.50 ஆயிரம் மற்றும் அதற்கு அதிகமான தொகை பரிமாற்றத்துக்கு பான் எண்ணுடன் ஆதார் எண்ணையும் தனி நபர்களும், கம்பெனிகளும், கூட்டாண்மை நிறுவனங்களும் தெரிவிக்கும் நடைமுறை ஜூன் 1-ந் தேதி முதல் அமலுக்கு கொண்டு வரப்பட்டுள்ளது.

    * ஜூன் 1-ந் தேதிக்கு பிறகு, ஆதார் எண்ணை பெற்றிராதவர்கள், வங்கியில் கணக்கு தொடங்க வேண்டும் என்றால் ஆதார் எண் பதிவு செய்வதற்கு விண்ணப்பம் செய்ததற்கான ஆதாரத்தை அளிக்க வேண்டும். வங்கி கணக்கு தொடங்கி 6 மாதங்களில் ஆதார் எண்ணை வாடிக்கையாளர் தெரிவித்து விட வேண்டும்.

    கம்பெனிகள் வங்கியில் கணக்கு தொடங்குகிறபோது, அவற்றின் நிர்வாகிகளோ அல்லது கம்பெனியின் சார்பில் பண பரிமாற்றம் செய்வதற்கான அதிகாரம் வழங்கப்பட்டிருப்பவர்களோ தங்களது ஆதார் எண்ணை தெரிவிக்க வேண்டும்.

    இவ்வாறு அதில் கூறப்பட்டு உள்ளது. 

    News