" “The best preparation for tomorrow is doing your best today.”"

மின்சாரத்தை சேமிக்கும் திட்டம்: தமிழகத்தில் ரூ.11 ஆயிரம் கோடி முதலீடு செய்யப்படும்

Views - 46     Likes - 0     Liked


  • மின்சாரம், நிலக்கரி, புதுப்பிக்கப்படும் எரிசக்தி மற்றும் சுரங்கங்கள் துறையின் மத்திய மந்திரி பியூஷ் கோயல் சென்னை ராஜா அண்ணாமலைபுரத்தில் உள்ள தனியார் நட்சத்திர ஓட்டலில் தமிழக மின்சாரத்துறை அமைச்சர் தங்கமணி, மின்சார வாரிய தலைவர் சாய்குமார் மற்றும் எரிசக்திதுறை முதன்மை செயலாளர் விக்ரம் கபூர் ஆகியோரை சந்தித்து, தமிழகத்தில் செயல்படுத்தப்படும் திட்டங்கள் குறித்து விவாதித்தார்.

    அப்போது, மத்திய அரசின் பங்களிப்போடு தமிழகத்தில் செயல்படுத்தப்படும் திட்டங்கள், அதன் நிலவரம் குறித்து அதிகாரிகள் விவரமாக எடுத்து கூறினர். இதேபோல மின்சார தேவையை பூர்த்தி செய்ய தமிழக அரசு செயல்படுத்தும் திட்டங்கள் குறித்தும், அதிகாரிகள் எடுத்து கூறினர்.

    பியூஷ் கோயல், தங்கமணி மற்றும் அதிகாரிகள் இடையேயான, இந்த சந்திப்பு பிற்பகல் 1 மணிக்கு தொடங்கி, 3 மணி வரையிலும் நடைபெற்றது.

    இந்த கூட்டத்துக்கு பின்னர் மத்திய மந்திரி பியூஷ் கோயல் நிருபர்களுக்கு அளித்த பேட்டியில் கூறியதாவது:–

    உதய் திட்டம் குறித்து கடந்த ஆண்டு ஜூலை மாதம் முன்னாள் முதல்–அமைச்சர் ஜெயலலிதாவிடம் பேசினேன். தற்போது இந்த திட்டம் செயல்படுத்தப்பட்டு, வெற்றிகரமாக இருக்கிறது. உதய் திட்டம் அமல்படுத்தப்பட்டுள்ளதால், மின்சார துறைக்கு ஏற்படும் நஷ்டம் கணிசமாக குறைந்துள்ளது.

    மின்சாரத்துறையில் கடந்த 2013–14–ம் ஆண்டில் ரூ.13,985 கோடியாக இருந்த நஷ்டம், நடப்பாண்டு ரூ.3,783 கோடியாக குறைக்கப்பட்டுள்ளது. தமிழகத்தில் மின்சாரத்தை சேமிக்கும் திட்டங்களுக்காக எரிசக்தி திறன் சேவைகள் நிறுவனத்தின் மூலம் அடுத்த 3 ஆண்டுகளில் ரூ.11 ஆயிரம் கோடி முதலீடு செய்யப்படும். செய்யூர் அனல் மின் நிலையத்துக்கு உள்நாட்டு நிலக்கரி உபயோகப்படுத்தப்பட உள்ளது. இதற்காக தனி நிலக்கரி சுரங்கம் ஒதுக்கீடு செய்யப்படும்.

    அணுமின் நிலையங்களை அனுமதிக்காத மாநிலங்களுக்கு, அணுமின் நிலையங்களில் இருந்து உற்பத்தி செய்யப்படும் மின்சாரம் வழங்கப்படாது. மின்சார கட்டணத்தை உயர்த்தும் திட்டம் எதுவும் இல்லை. அதே சமயத்தில் தற்போதைய நிலவரப்படி மின்சார கட்டணம் குறையவும் வாய்ப்பு இல்லை.  இவ்வாறு அவர் கூறினார்.

    News