" “May you live all the days of your life.” – Jonathan Swift."

ஜனாதிபதி தேர்தலில் மோடி முதல் ஓட்டுபோட்டார்

Views - 72     Likes - 0     Liked


  • இந்தியாவின் 14-வது ஜனாதிபதியை தேர்வு செய்வதற்கான தேர்தல் நேற்று நாடு முழுவதும் நடந்தது. இதில் ஆளும் பா.ஜனதா தலைமையிலான தேசிய ஜனநாயக கூட்டணி வேட்பாளராக ராம்நாத் கோவிந்தும், எதிர்க்கட்சிகளின் பொது வேட்பாளராக மீரா குமாரும் போட்டியிடுகின்றனர்.
     
    இந்த தேர்தலில் 543 எம்.பி.க்கள், 233 டெல்லி மேல்-சபை எம்.பி.க்கள், 4,120 எம்.எல்.ஏ.க்கள் என தேர்ந்தெடுக்கப்பட்ட 4,896 பேர் ஓட்டு போடுவார்கள். இதில் தற்போது 13 இடங்கள் காலியாக உள்ளன. சட்டமன்ற மேல்-சபை உறுப்பினர்களுக்கும் (எம்.எல்.சி.), நியமன எம்.பி.க்களுக்கும் ஓட்டு உரிமை இல்லை. மொத்த வாக்காளர்கள் 4,896 பேரின் ஓட்டு மதிப்பு 10.98 லட்சம். வேட்பாளர்களுக்கு கிடைக்கும் ஓட்டு மதிப்பின் அடிப்படையில் வெற்றி பெற்றவர்கள் அறிவிக்கப்படுவார்கள்.
     
    ஜனாதிபதி தேர்தலுக்காக பாராளுமன்றம், 31 மாநில சட்டமன்றங்கள் என 32 இடங்களில் வாக்குச்சாவடிகள் அமைக்கப்பட்டு இருந்தன. தேர்தல் சரியாக காலை 10 மணிக்கு தொடங்கி மாலை 5 மணி வரை நடைபெற்றது. மத்திய மந்திரிகள், பெரும்பாலான எம்.பி.க்கள் பாராளுமன்ற வளாகத்தில் உள்ள வாக்குச்சாவடியில் வாக்களித்தனர்.
     
    அந்தந்த மாநிலங்களை சேர்ந்த சில எம்.பி.க்களும், எம்.எல்.ஏ.க்களும் மாநில சட்டமன்றங்களில் உள்ள வாக்குச்சாவடிகளில் ஓட்டுப்போட்டனர்.
     
    பாராளுமன்றத்தில் அமைக்கப்பட்டு இருந்த வாக்குச்சாவடியில் பிரதமர் நரேந்திர மோடி காலையிலேயே முதல் நபராக ஓட்டுப்போட்டார். காங்கிரஸ் தலைவர் சோனியா காந்தி, துணைத்தலைவர் ராகுல் காந்தி, பா.ஜனதா மூத்த தலைவர் எல்.கே.அத்வானி, வெளியுறவு துறை மந்திரி சுஷ்மா சுவராஜ் ஆகியோரும் நேற்று காலையிலேயே வாக்களித்தனர். தேசிய மாநாட்டு கட்சி தலைவர் பரூக் அப்துல்லாவும் நேற்று பாராளுமன்ற வளாகத்தில் ஓட்டுபோட்டார்.
     
    தேர்தல் கமிஷன் இந்த தேர்தலில் ஓட்டுபோடுவதற்கென ஒரு சிறப்பு பேனாவை வழங்கியிருந்தது. ஓட்டுபோட வருபவர்களுக்கு தேர்தல் அதிகாரிகள் வாக்கு சீட்டுடன் இந்த சிறப்பு பேனாவையும் கொடுத்தார்கள். அவர்கள் அந்த பேனாவை பயன்படுத்தி தான் யாருக்கு ஓட்டு என்பதை குறிப்பிட வேண்டும். அதன்பின்னர் ஓட்டு பெட்டியில் வாக்குச்சீட்டை போட்டனர்.
     
    அந்த பேனாவை பயன்படுத்தாமல், வேறு பேனாவை பயன்படுத்தி ஓட்டுப்போட்டால் அது செல்லாத ஓட்டாகிவிடும். பாராளுமன்ற பொதுச் செயலாளர் தேர்தல் நடத்தும் அதிகாரியாக நியமிக்கப்பட்டு இருந்தார். 33 தேர்தல் பார்வையாளர்களும் நியமிக்கப்பட்டு இருந்தனர்.
     
    டெல்லியில் ஓட்டு எண்ணிக்கை 20-ந் தேதி காலை 11 மணிக்கு தொடங்குகிறது. அன்றே வெற்றி பெற்றவர் யார்? என்பது அறிவிக்கப்படுகிறது.
     
    தற்போதைய ஜனாதிபதி பிரணாப் முகர்ஜியின் பதவிக்காலம் 24-ந் தேதி முடிகிறது. புதிய ஜனாதிபதி 25-ந் தேதி பதவி ஏற்கிறார். 
     
    News