" “Why fit in when you were born to stand out?”"

ஜி.எஸ்.டி., வரி குழப்பத்தால் அரிசி விற்பனையில் மந்த நிலை

Views - 65     Likes - 0     Liked


  • வியாபாரிகளுக்கு வரி குழப்பத்தால் அரிசி விற்பனையில் மந்தநிலை நிலவுகிறது. மொத்த வியாபாரிகளிடம் அரிசி மூடைகள் தேக்கமடைந்துள்ளது.இந்தியா முழுவதும் ஒரே சீரான ஜி.எஸ்.டி., வரி அறிமுகம் செய்யப்பட்டது. இப் புதிய சட்டத்தில் 'டிரேட் மார்க்' பிராண்ட் அரிசிக்கு 5 சதவீத விதிக்கப்படுகிறது. 'டிரேட் மார்க்' இல்லாத பேக்கிங் செய்யப்பட்ட அரிசி மூடைகளுக்கு வரி இல்லை. பிராண்ட் அரிசி எது என்பதை அறிய மூடையில் ' ஆர்' என்ற ஆங்கில எழுத்து பதிவு செய்யப்பட்டிருக்கும். இந்த மூடைக்கு மட்டும்தான் ஐந்து சதவீத வரி செலுத்தப்படுகிறது.
    ஆனால் இவ் விபரம் தெரியாத சிறு வியாபாரிகள் அரிசி மூடைகளை வாங்கி இருப்பு வைத்து கொள்ள விரும்புவதில்லை. அதிக மூடைகள் இருப்பு வைத்தால் வரி செலுத்த வேண்டும் என தவறாக கருதி மொத்த வியபாரிகளிடம் அரிசி மூடைகள் கொள்முதல் செய்ய முன்வருவதில்லை. அவ்வப்போது தேவைக்கு ஏற்ப குறைந்த எண்ணிக்கையில் வாங்கி செல்கின்றனர்.களையிழந்த வியாபாரம்: திண்டுக்கல் மவுன்ஸ்புரம் 5வது தெருவில் அரிசி மொத்த விற்பனை கடைகள் அதிகம் உள்ளன. இத் தெருவில் விலகி செல்ல முடியாத அளவிற்கு வெளி மாநிலங்களில் இருந்து அரிசி மூடைகள் ஏற்றி வரும் லாரிகள் மூடைகளை இறக்க வரிசை கட்டி நிற்கும். ஜி.எஸ்.டி., வரியால் வெளிமாநில அரிசி வரத்து குறைந்துள்ளது. 
    திண்டுக்கல் மொத்த வியாபாரி கூறுகையில், “ புதிய வரி நடைமுறைக்கு முன் தினமும் 10 டன் அரிசி விற்பனையாகும். தற்போது ஒரு டன் அரிசி விற்பனை செய்வதே சிரமமாக உள்ளது. ஜி.எஸ்.டி., குறித்து சிறு வியாபாரிகளிடம் போதிய விழிப்புணர்வு இல்லை. புதிய வரியால் அரிசி விலை அதிகரிக்க வில்லை. 25 கிலோ கொண்ட அரிசி பை ரூ.800 முதல் ரூ.1200 வரை விற்பனை செய்யப்படும். பிராண்ட் அரிசி விற்பனைக்கு மட்டுமே 5 சதவீத வரி உள்ளது. ஆனால் சிறு வியாபாரிகள் அரிசி மூடை அதிகம் வாங்கி வைத்தால் வரி விதிக்கப்படும் என்ற எண்ணத்தால் அரிசி மூடைகள் வாங்க முன்வரவில்லை, என்றார்.

     

     

    News