தங்கம் இறக்குமதி 2 மடங்கு உயர்வு
Views - 191 Likes - 0 Liked
-
நடப்பு நிதியாண்டு ஏப்ரல் முதல் ஜூன் காலாண்டில் தங்கம் இறக்குமதி இரண்டு மடங்கு அதிகரித்துள்ளது.
முதல் காலாண்டில் பண்டிகை மற்றும் சுப நிகழ்ச்சிகளுக்கான தேதிகள் அதிகம் இருந்ததால் தங்கத்தின் தேவை அதிகரித்தது. இதனால் மொத்தம் 1,125 கோடி டாலருக்கு தங்கம் இறக்குமதி செய்யப்பட்டுள்ளது. கடந்த நிதியாண்டு இதே காலாண்டில் 490 கோடி டாலருக்கு தங்கம் இறக்குமதி செய்திருந்தது குறிப்பிடத் தக்கது.
நடப்பு நிதியாண்டு ஜூன் மாதத்தில் மட்டும் தங்கம் இறக்குமதியின் மதிப்பு 120 கோடி டாலரிலிருந்து 245 கோடி டாலராக உயர்ந்துள்ளது. தங்கம் இறக்குமதி அதிகரித்தது நடப்பு கணக்கு பற்றாக்குறையில் எதிரொலிக்கும் என வல்லுநர்கள் தெரிவிக்கின்றனர்.
ஜூன் காலாண்டில் தங்க இறக்குமதி அதிகரித்துள்ளதால் வர்த்தக பற்றாக்குறை 1,296 கோடி டாலராக அதிகரித்துள்ளது. கடந்த நிதியாண்டின் இதே காலாண்டில் வர்த்தகப் பற்றாக்குறை 811 கோடி டாலராக இருந்தது. தங்க நுகர்வில் இந்தியா 2-வது இடத்தில் உள்ளது. ஜூவல்லரி துறையின் தேவை அதிகரிப்பு காரணமாகத்தான் தற்போது தங்கம் இறக்குமதி அதிகரித்துள்ளது.
News