" “Practice kindness all day to everybody and you will realize you’re already in heaven now.” – Jack Kerouac"

ஆவணி முதல் ஞாயிற்றுக்கிழமை: நாகராஜா கோவிலில் பக்தர்கள் கூட்டம் அலைமோதியது

Views - 42     Likes - 0     Liked


  • குமரி மாவட்டத்தில் உள்ள பிரசித்தி பெற்ற கோவில்களில் நாகர்கோவில் நாகராஜா கோவிலும் ஒன்று. திருமணத்தடை நீங்கவும், நாகதோ‌ஷம் நீங்கவும், குழந்தைப்பேறு பெறவும் பக்தர்கள் நாகராஜா கோவிலுக்கு வந்து தரிசனம் செய்து வருகிறார்கள். அதிலும், ஆவணி மாத ஞாயிற்றுக்கிழமைகளில் நாகராஜா கோவிலுக்கு வரும் பக்தர்களின் கூட்டம் வழக்கத்தை விட அதிகமாக இருக்கும். குறிப்பாக பெண்கள் நாகர் சிலைகளுக்கு பால் ஊற்றி வழிபாடு செய்வார்கள். ஆவணி ஞாயிற்றுக்கிழமைகளில் நாகராஜரை வழிபட்டால் நினைத்த காரியங்கள் கைகூடும் என்பது ஐதீகம்.

    இந்த ஆண்டு ஆவணி மாத முதல் ஞாயிற்றுக்கிழமையான நேற்று, நாகராஜா கோவிலில் அதிகாலையில் நடை திறக்கப்பட்டு நிர்மால்ய பூஜையும், தீபாராதனையும் நடந்தது. பின்னர் சிறப்பு அபிஷேகங்கள் நடத்தப்பட்டது. இதையொட்டி நேற்று அதிகாலையில் இருந்தே  நாகராஜா கோவிலுக்கு பக்தர்கள் வந்த வண்ணமாக இருந்தனர். குமரி மாவட்டத்தில் இருந்து மட்டுமின்றி நெல்லை, தூத்துக்குடி போன்ற பிற மாவட்டங்களில் இருந்தும் ஏராளமானோர் வந்தனர். இதனால் கோவிலில் பக்தர்களின் கூட்டம் அலைமோதியது. ஆண்களைவிட பெண்களின் கூட்டம் அதிகமாக இருந்தது.

    பால் ஊற்றி வழிபாடு

    நாகராஜா கோவிலில் உள்ள நாகர் சிலைகளுக்கு ஆண்களும், பெண்களும் நீண்ட வரிசையில் நின்று பால் ஊற்றியும், மஞ்சள் பொடி தூவியும் வழிபாடு நடத்தினர். நாகர்கோவிலில் நேற்று அதிகாலை முதலே சாரல் மழை விட்டு– விட்டு பெய்து கொண்டிருந்ததால் கோவிலுக்கு வந்த பக்தர்கள் கையில் குடைபிடித்தப்படி நாகர் சிலைகளுக்கு பால் ஊற்றி வழிபட்டதை காணமுடிந்தது. மழை மற்றும் வெயிலினால் பாதிப்பு ஏற்படாமல் இருக்க, பக்தர்களின் வசதிக்காக கோவிலில் தகர கொட்டகைகள் அமைக்கப்பட்டு வரிசையாக செல்வதற்கு ஏற்பாடுகள் செய்யப்பட்டிருந்தது. 

    மேலும், சிறப்பு அபிஷேக வழிபாடு கட்டண டிக்கெட் பெற்றவர்களுக்கு எவர்சில்வர் பாத்திரத்தில் ஒரு லிட்டர் பால் பாயாசம், அர்ச்சனை தேங்காய், பழம் போன்ற பிரசாத பொருட்கள் வழங்கப்பட்டன.

    போலீஸ் பாதுகாப்பு

     இந்து சமய அறநிலையத்துறை சார்பில் பக்தர்களுக்கு குடிநீர் உள்ளிட்ட பல்வேறு அடிப்படை வசதிகள் செய்யப்பட்டு இருந்தது. 

    மதியம் கோவில் கலையரங்கத்தில் அன்னதானம் வழங்கப்பட்டது.

    பக்தர்கள் கூட்டம் அதிகமாக இருந்ததையொட்டி மாவட்ட போலீஸ் சூப்பிரண்டு தர்மராஜன் உத்தரவின் பேரில், கோவிலிலும், கோவில் சுற்றுப்புற பகுதிகளிலும் பலத்த போலீஸ் பாதுகாப்பு போடப்பட்டு இருந்தது.

    News