" “May you live all the days of your life.” – Jonathan Swift."

1.77 கோடி பங்குகளை விற்க இன்ஃபோசிஸ் நிறுவனர்கள் முடிவு

Views - 79     Likes - 0     Liked


  • நாராயணமூர்த்தி, நந்தன் நீலகேணி உள்ளிட்ட இன்ஃபோசிஸ் நிறுவனர்கள் தன்வசம் உள்ள பங்குகளை விற்கதிட்டமிட்டுள்ளனர். தங்களிடம் உள்ள 1.77 கோடி பங்குகளை நிறுவனர்கள் விற்க திட்டமிட்டுள்ளதாக தெரியவந்துள்ளது. இந்த பங்குகளின் மொத்த மதிப்பு ரூ.2,038 கோடி.

    சமீபத்தில் இன்ஃபோசிஸ் நிறுவனம் பங்குகளைக் திரும்ப வாங்கும் முடிவை அறிவித்தது. ஒரு பங்கின் விலை ரூ.1,150 என்ற அளவில் பங்குகளை வாங்கி கொள்வதாக அறிவிப்பு செய்தது. இதில் நிறுவனர்கள் மற்றும் நிறுவனர்களின் குடும்பத்தினர்கள் கலந்துகொள்ள இருக்கிறார்கள். கடந்த ஜூன் மாதத்தின் படி இன்ஃபோசிஸ் நிறுவனத்தின் நிறுவனர்கள் மற்றும் அவர்களது குடுபத்தினர் வசம் 29.28 கோடி பங்குகள் உள்ளது. அதாவது இன்ஃபோசிஸ் நிறுவனத்தில் 12.75 சதவீத பங்கு கள் இவர்கள் வசம் உள்ளது.

    கடந்த சில மாதங்களாக இன்ஃபோசிஸ் நிறுவனம் பல்வேறு பிரச்சினைகளைச் சந்தித்து வருகிறது. நிறுவனர்களுக்கும் இன்ஃபோசிஸ் நிர்வாக குழு உறுப்பினர்களுக்கும் பிரச்சினை நிலவி வந்தது. இதற் கிடையே இன்ஃபோசிஸ் தலைமைச் செயல் அதிகாரி பதவியிலிருந்து விஷால் சிக்கா ராஜினாமா செய்துள்ளது குறிப்பிடத்தக்கது. மேலும் நிர்வாக குழுவிலிருந்து சேஷசாயி உட்பட நான்கு உறுப்பினர்கள் வெளியேறியுள்ளனர். விஷால் சிக்கா இன்ஃபோசிஸ் நிறுவனத்தில் இருந்து வெளியேறியதற்கு நாராயணமூர்த்திதான் காரணம் என்று இயக்குநர் குழு குற்றம்சாட்டியிருந்தனர். அதன்பிறகு ஆகஸ்ட் 24-ம் தேதி இணை நிறுவனர் நந்தன் நீலகேணி இன்ஃபோசிஸ் நிறுவனத்தின் நிர்வாகக் குழு தலைவராக நியமிக்கப்பட்டார். இன்ஃபோசிஸ் நிறுவனம் 11.3 கோடி பங்குகளைத் திரும்ப பெறுவதாக அறிவித்தது. வெள்ளிக்கிழமை சந்தை விலையை விட 25% கூடுதலாக வாங்க நிறுவனம் திட்டமிட்டிருக்கிறது. அக்டோபர் 25-ம் தேதிஅல்லது அதற்கு பிறகு இந்த பங்குகளை வாங்க இருப்பதாக தெரிகிறது.

    நீலகேணி மற்றும் அவரது குடும்பத்தினர் 58 லட்சம் பங்கு களையும் நாராயணமூர்த்தி மற்றும் அவரது குடும்பத்தினர் 54 லட்சம் பங்குகளையும் விற்க இருக்கின்றனர். மேலும் நிறுவனர் எஸ்.கோபாலகிருஷ்ணன் மற்றும் அவரது குடும்பத்தினர் 22 லட்சம் பங்குகளையும் நிறுவனர் கே.தினேஷ் 29 லட்சம் பங்கு களையும் விற்க உள்ளனர்.மற்ற நிறுவனர்களைவிட எஸ்.கோபாலகிருஷணன் மனைவி சுதா கோபாலகிருஷ்ணன் வசம் அதிக பங்குகள் உள்ளன. கிட்டத்தட்ட 2.14% பங்குகளை அவர் வைத்துள்ளார். இன்ஃபோசிஸ் நிறுவனத்தின் மற்றொரு நிறுவனரான எஸ்.டி.சிபுலால் பங்குகளை விற்கவில்லை. ஆனால் அவரது மனைவி மற்றும் மகன் வசம் உள்ள 14 லட்சம் பங்குளை விற்க உள்ளனர்.

    News