சிறப்பு பொருளாதார மண்டலங்கள் ஏற்றுமதி வளர்ச்சி
Views - 236 Likes - 0 Liked
-
நடப்பு நிதியாண்டின், ஏப்., – ஜூன் வரையிலான, முதல் காலாண்டில், சிறப்பு பொருளாதார மண்டலங்களின் ஏற்றுமதி, 15.4 சதவீதம் வளர்ச்சி கண்டு, 1.35 லட்சம் கோடி ரூபாயாக உயர்ந்துள்ளது.
இது குறித்து, இம்மண்டலங்களுக்கான, ஏற்றுமதி மேம்பாட்டு குழு தலைவர், ராகுல் குப்தா கூறியதாவது: சிறப்பு பொருளாதார மண்டலங்களின் ஏற்றுமதி, 2016 – 17ம் நிதியாண்டில், 12 சதவீதம் வளர்ச்சி கண்டு, 5.24 லட்சம் கோடி ரூபாயாக உயர்ந்துள்ளது. இது, முந்தைய நிதியாண்டில், 4.67 லட்சம் கோடி ரூபாயாக இருந்தது. இம்மண்டலங்களில், ஏற்றுமதி சிறப்பாக வளர்ச்சி கண்டு வருகிறது.
இங்குள்ள நிறுவனங்களுக்கு, ஜி.எஸ்.டி.,யில், வெளியில் உள்ள நிறுவனங்களை விட, அதிக பயன் கிடைக்கிறது. எனினும், வெளியில் இருந்து பொருட்களை கொள்முதல் செய்யும் போது செலுத்தும் வரியை, திரும்ப பெறுவதற்கு, உரிய திட்டத்தை, மத்திய அரசு ஏற்படுத்தினால், ஏற்றுமதி மேலும் அதிகரிக்கும். தமிழகம், கர்நாடகா, தெலுங்கானா மற்றும் மஹாராஷ்டிராவில், அதிகளவில், சிறப்பு பொருளாதார மண்டலங்கள் உள்ளன. இவ்வாறு அவர் கூறினார்.News