" “No matter how hard the past, you can always begin again.”"

வாக்காளர் பட்டியலில் பெயர் சேர்க்க சிறப்பு முகாம் 608 மையங்களில் நடந்தது

Views - 53     Likes - 0     Liked


  • தமிழகத்தில் 2017–ம் ஆண்டுக்கான வரைவு வாக்காளர் பட்டியல் கடந்த 3–ந்தேதி வெளியிடப்பட்டது. அதன்படி குமரி மாவட்டத்தில் ஆண் வாக்காளர்கள் 7 லட்சத்து 56 ஆயிரத்து 980 பேரும், பெண் வாக்காளர்கள் 7 லட்சத்து 55 ஆயிரத்து 710 பேரும் மற்றும் இதர வாக்காளர்கள் 151 பேரும் என மொத்தம் 15 லட்சத்து 12 ஆயிரத்து 841 வாக்காளர்கள் உள்ளனர். 

    மேலும், புதிதாக வாக்காளர்கள் பெயர்களை சேர்க்க இந்த மாதம் (அக்டோபர்) 31–ந்தேதி வரை ஏற்பாடுகள் செய்யப்பட்டுள்ளன. 

    இந்த நிலையில், குமரி மாவட்டத்தில் வாக்காளர் பட்டியலில் பெயர் சேர்த்தல், நீக்குதல் மற்றும் திருத்தம் மேற்கொள்ள சிறப்பு முகாம் 608 மையங்களில் உள்ள 1,688 வாக்குசாவடிகளிலும் நேற்று நடந்தது. 

    நாகர்கோவில் வடசேரியில் உள்ள எஸ்.எம்.ஆர்.வி. மேல்நிலைப்பள்ளி, புத்தேரி அரசு உயர்நிலைப்பள்ளி, இறச்சகுளம் அரசு உயர்நிலைப்பள்ளி மற்றும் இறச்சகுளம் அரசு தொடக்கப்பள்ளி ஆகிய வாக்குச்சாவடிகளில் நடைபெற்ற முகாமை கலெக்டர் சஜ்ஜன்சிங் சவான் நேரில் சென்று பார்வையிட்டு ஆய்வு செய்தார். 

    பின்னர் அவர் கூறுகையில், ‘வாக்காளர் பட்டியலில் பெயர் சேர்த்தல், நீக்குதல் மற்றும் திருத்தங்கள் மேற்கொள்ள இந்திய தேர்தல் ஆணையம் உத்தரவிட்டுள்ளது. அதன்படி குமரி மாவட்டத்தில் தற்போது சிறப்பு முகாம் நடத்தப்பட்டு இருக்கிறது. இதுபோல வருகிற 22–ந்தேதியும் சிறப்பு முகாம் நடைபெறுகிறது. முகாமில், வாக்காளர் பட்டியலில் புதிதாக பெயர் சேர்ப்பதற்காக தகுதியான வாக்காளர்கள் படிவம் 6–ஐ பூர்த்தி செய்து, அத்துடன் இருப்பிடச்சான்று, அடையாள அட்டை மற்றும் புகைப்படத்துடன் சமர்பிக்க வேண்டும்’ என்றார்.  

    ஆய்வின்போது, நாகர்கோவில் வருவாய் கோட்டாட்சியர் ஜானகி, தோவாளை தாசில்தார் சாரதாமணி, அகஸ்தீஸ்வரம் தாசில்தார் (பொறுப்பு) ஆறுமுகநயினார், தேர்தல் தனி தாசில்தார் சுப்பிரமணியன், துணை தேர்தல் தாசில்தார் ரவிசந்திரன் உள்பட பலர் உடனிருந்தனர்.

    News