" “Practice kindness all day to everybody and you will realize you’re already in heaven now.” – Jack Kerouac"

நாகர்கோவில் ரெயில் நிலையத்தில் ரெயில்பெட்டி தடம் புரண்டது மோட்டார்சைக்கிள்கள் சேதம்

Views - 47     Likes - 0     Liked


  • நாகர்கோவில்,

    நாகர்கோவில் கோட்டார் ரெயில் நிலையத்தில் இருந்து சென்னைக்கு ஞாயிற்றுக்கிழமைகளில் வாராந்திர சிறப்பு எக்ஸ்பிரஸ் ரெயில் இயக்கப்பட்டு வருகிறது. இந்த ரெயில், ஞாயிற்றுக்கிழமை இரவு 7.40 மணிக்கு புறப்பட்டு திருநெல்வேலி, மதுரை, சேலம் வழியே மறுநாள் காலையில் சென்னை சென்ட்ரல் ரெயில்நிலையம் சென்றடையும் வகையில் இயக்கப்படுகிறது. மறுமார்க்கமாக சென்னையில் இருந்து புறப்படும் எக்ஸ்பிரஸ் ரெயிலானது சனிக்கிழமை பகல் 11.50 மணிக்கு நாகர்கோவிலை வந்தடையும். இந்த ரெயிலை பயணிகள் அனைவரும் இறங்கி சென்ற பின், ரெயில்வே ஊழியர்கள் வாகனம் நிறுத்தும் இடத்துக்கு அருகே அமைக்கப்பட்டிருக்கும் நடைமேடை பகுதியில் கொண்டு சென்று நிறுத்துவது வழக்கம். இந்த நடைமேடையானது, சரக்குகளை ஏற்றி இறக்குவதற்காக பயன்படுத்துப்பட்டு வருகிறது.

    இதுபோல் நேற்றுமுன்தினமும் பகல் 11.50 மணிக்கு எக்ஸ்பிரஸ் ரெயில் நாகர்கோவிலை வந்தடைந்தது. பயணிகள் அனைவரும் இறங்கி சென்ற பின்னர், அந்த ரெயிலை சரக்குகளை ஏற்றி இறக்குவதற்காக போடப்பட்டிருக்கும் நடைமேடை பகுதியில் கொண்டு சென்று நிறுத்தப்பட்டது. 3 ஏ.சி. பெட்டிகள், முன்பதிவு பெட்டிகள் மற்றும் பொதுப் பெட்டிகள் என சுமார் 18 பெட்டிகளை கொண்ட இந்த ரெயிலின் நீளம் அதிகம் என்பதால் பெட்டிகள் இணைப்பில் இருந்து பிரிக்கப்பட்டு ஒரு பாதி சரக்குகளை ஏற்றி இறக்கும் நடைமேடையிலும், மற்றொரு பகுதியை யார்டு பகுதியில் இருக்கும் மற்றொரு நடைமேடையிலும் நிறுத்தி இருந்தனர். இந்தநிலையில் நேற்று சென்னை புறப்படவேண்டிய அந்த ரெயிலை மாலையில், பராமரிப்பு பணிக்காக இன்ஜின் மூலம் வெளியே எடுக்க முடிவு செய்தனர். தொடர்ந்து, சரக்குகளை ஏற்றிஇறக்கும் நடைமேடையில் நிறுத்தப்பட்டிருந்த ரெயில் பெட்டிகளை என்ஜின் மூலம் வெளியே எடுக்க முயன்றனர். அப்போது பெட்டிகளில் மின் இணைப்பில் கோளாறு ஏற்பட்டதாக கூறப்படுகிறது. இதற்கிடையே ரெயில் பெட்டிகளை என்ஜின் பொருத்தும் போது ஏற்பட்ட உராய்வு காரணமாக பெட்டிகள் பின்னோக்கி சென்று தடுப்பு கட்டைகள் உடைத்து கொண்டு, ரெயில்வே ஊழியர்களின் வாகன நிறுத்தும் இடத்தில் மோதியது. இந்த விபத்தில், இரும்பால் அமைக்கப்பட்டிருந்த அந்தகூடாரம் சரிந்து விழுந்தது. மேலும், 4 மோட்டார் சைக்கிள் ரெயிலுக்கு அடியில் சிக்கி நாசமானது. சத்தம்கேட்டு ஓடிவந்த அதிகாரிகள், உடனடியாக மீட்பு பணிகளில் ஈடுபட்டனர். இதற்கிடையே விபத்தில் சிக்கிய எஸ்–8 பெட்டி மட்டும் தனியே பிரிக்கப்பட்டு இணைப்பு துண்டிக்கப்பட்டது. விபத்தில் சிக்கிய பெட்டிக்கு பதிலாக மாற்று பெட்டியை ஏற்பாடு செய்தனர். பின்னர் நாகர்கோவில்–சென்னை ரெயில் இரவு 7.40 மணிக்கு அங்கிருந்து சென்னை புறப்பட்டு சென்றது.

    News