" “Practice kindness all day to everybody and you will realize you’re already in heaven now.” – Jack Kerouac"

எஸ்.எஸ்.எல்.சி. தேர்வு தொடங்கியது: 23,926 மாணவ-மாணவிகள் எழுதினர்

Views - 48     Likes - 0     Liked


  • குமரி மாவட்டத்தில் 23,926 மாணவ-மாணவிகள் எஸ்.எஸ்.எல்.சி. தேர்வை எழுதினர்.
    நாகர்கோவில், 

    தமிழகம் முழுவதும் எஸ்.எஸ்.எல்.சி. மாணவ-மாணவிகளுக்கான பொதுத்தேர்வு நேற்று தொடங்கியது. குமரி மாவட்டத்தில் நாகர்கோவில், தக்கலை, குழித்துறை ஆகிய 3 கல்வி மாவட்டங்களில் உள்ள 426 பள்ளிகளைச் சேர்ந்த 12 ஆயிரத்து 51 மாணவர்களும், 12 ஆயிரத்து 71 மாணவிகளுமாக மொத்தம் 24 ஆயிரத்து 122 பேர் தேர்வு எழுத விண்ணப்பித்திருந்தார்கள்.

    இதற்காக நாகர்கோவில் கல்வி மாவட்டத்தில் 30 தேர்வு மையங்களும், தக்கலை கல்வி மாவட்டத்தில் 38 மையங்களும், குழித்துறை கல்வி மாவட்டத்தில் 44 மையங்களுமாக மொத்தம் 112 தேர்வு மையங்கள் அமைக்கப்பட்டிருந்தன. முதல் நாளான நேற்று மொழிப்பாடங்களுக்கான முதல் தாள் தேர்வு தொடங்கியது.

    நாகர்கோவில் வல்லன்குமாரவிளை அரசு மேல்நிலைப்பள்ளியில் அமைக்கப்பட்டிருந்த தேர்வு மையத்திலும் ஏராளமான மாணவ-மாணவிகள் தேர்வு எழுதினர்.

    இந்த மையத்தில் கலெக்டர் பிரசாந்த் வடநேரே ஆய்வு செய்தார். அப்போது அங்கு கண்பார்வையற்ற மாற்றுத்திறனாளி மாணவி, சொல்வதை எழுதும் உதவியாளருடன் தேர்வில் பங்கேற்றதையும் பார்வையிட்டு ஆய்வு செய்தார். அவருடன் மாவட்ட முதன்மைக்கல்வி அதிகாரி பாலாவும் சென்றிருந்தார். பின்னர் கலெக்டர் பிரசாந்த் வடநேரே கூறியதாவது.

    தக்கலை கல்வி மாவட்டத்தில் 114 மாணவர்களும், குழித்துறை கல்வி மாவட்டத்தில் 48 மாணவர்களும், நாகர்கோவில் கல்வி மாவட்டத்தில் 217 மாணவர்களும் ஆக மொத்தம் 379 மாணவர்கள் தனித்தேர்வர்களாக இந்த தேர்வினை எழுதுகின்றனர்.

    மேலும் 129 மாற்றுத்திறனாளி மாணவர்கள் தேர்வு எழுதுகின்றனர். இவர்களில் 72 மாணவர்களுக்கு சொல்வதை எழுதுபவர்கள் நியமனம் செய்யப்பட்டுள்ளனர்.

    ஒவ்வொரு கல்வி மாவட்டத்திற்கும் 60 பேர் கொண்ட பறக்கும் படை குழு அமைக்கப்பட்டுள்ளது. குமரி மாவட்டத்தில் நடைபெறவுள்ள அனைத்து பொது தேர்வுகளும் எவ்விதமான புகார்களுக்கும் இடம் கொடுக்காத வகையில் நல்ல முறையில் நடத்தி முடித்திடவும் நடவடிக்கைகள் மேற்கொள்ளப்பட்டுள்ளது.
    இவ்வாறு கலெக்டர் பிரசாந்த் வடநேரே தெரிவித்தார்.

    குமரி மாவட்டத்தில் நேற்று தொடங்கிய எஸ்.எஸ்.எல்.சி. மொழிப்பாட முதல் தாள் தேர்வுக்கு 24,122 மாணவ- மாணவிகள் விண்ணப்பித்திருந்தனர். ஆனால் 196 பேர் தேர்வு எழுத வரவில்லை. இதனால் 23,926 பேர் மட்டுமே நேற்று தேர்வு எழுதினர். வருகிற 21-ந் தேதி எஸ்.எஸ்.எல்.சி. மாணவ-மாணவிகளுக்கு மொழிப்பாட இரண்டாம் தாள் தேர்வு நடைபெற இருக்கிறது.

     

    News