" “Accept yourself, love yourself, and keep moving forward."

நாகர்கோவிலில் ஓய்வுபெற்ற பேராசிரியை உள்பட 4 பேருக்கு பன்றி காய்ச்சல் ஆஸ்பத்திரியில் தீவிர சிகிச்சை

Views - 97     Likes - 0     Liked


  • நாகர்கோவில், 

    குமரி மாவட்டத்தின் பல்வேறு பகுதிகளில் காய்ச்சல் பாதிப்பு அதிகமாக இருந்து வருகிறது. இதனால் சிறுவர்-சிறுமிகள் முதல் பெரியவர்கள் வரை அந்தந்த பகுதிகளில் உள்ள ஆஸ்பத்திரிகளில் பலர் வெளிநோயாளிகளாகவும், உள்நோயாளிகளாகவும் சிகிச்சை பெற்று வருகிறார்கள்.

    இந்தநிலையில் நாகர்கோவிலில் உள்ள 2 தனியார் ஆஸ்பத்திரிகளில் 2 ஆண்கள் பன்றி காய்ச்சல் அறிகுறிகளோடு தீவிர சிகிச்சை பெற்று வருகிறார்கள். அவர்களில் ஒருவர் நெல்லை மாவட்டத்தை சேர்ந்தவர், மற்றொருவர் நாகர்கோவில் பகுதியை சேர்ந்தவர்.

    இதையடுத்து ஆசாரிபள்ளம் அரசு மருத்துவக்கல்லூரி ஆஸ்பத்திரியில் பன்றி காய்ச்சலுக்கு தனி வார்டு திறக்கப்பட்டுள்ளது. அங்கு நாகர்கோவில் ராமன்புதூர் பகுதியை சேர்ந்த ஓய்வு பெற்ற கல்லூரி பேராசிரியை உள்பட 2 பேர் பன்றி காய்ச்சல் அறிகுறியுடன் அனுமதிக்கப்பட்டுள்ளார். அவருக்கு தீவிர சிகிச்சை அளிக்கப்பட்டு வருகிறது. மேலும் பன்றி காய்ச்சலை உறுதிப்படுத்தும் பரிசோதனைக்காக அவருடைய ரத்த மாதிரி சேகரிக்கப்பட்டு நெல்லையில் உள்ள ஆய்வகத்துக்கு அனுப்பி வைக்கப்பட்டுள்ளது.

    இந்த பரிசோதனையின் முடிவுகள் வருவதற்கு 3 நாட்கள் ஆகும் எனவும், அதன் பிறகு பன்றி காய்ச்சல் பாதிப்புக்கு ஏற்ப சிகிச்சைகளை மேற்கொள்ள இருப்பதாகவும் டாக்டர்கள் தெரிவித்தனர். இருந்தாலும் பன்றி காய்ச்சலால் பாதிக்கப்பட்டு சிலர் ஆஸ்பத்திரிகளில் அனுமதிக்கப்பட்டு இருப்பது பொதுமக்கள் மத்தியில் அச்சத்தை ஏற்படுத்தி உள்ளது. இதுதொடர்பாக சுகாதாரத்துறையினர் தீவிர தடுப்பு நடவடிக்கை மேற்கொள்ள வேண்டும் என்று சமூக ஆர்வலர்கள் வலியுறுத்தி உள்ளனர்.

    இதுதொடர்பாக கலெக்டர் பிரசாந்த் வடநேரே நேற்று நிருபர்களுக்கு பேட்டி அளித்தார். அப்போது அவர் கூறியதாவது:-

    காற்று மூலம் பன்றி காய்ச்சல் வைரஸ் பரவுகிறது. அதன்படி தான் ஒருவரிடம் இருந்து ஒருவருக்கு பரவுகிறது. இதுவரை குமரி மாவட்டத்தில் உள்ள தனியார் ரத்த பரிசோதனை நிலையங்கள் மூலம் சிலருக்கு பன்றி காய்ச்சல் இருப்பது கண்டறியப்பட்டுள்ளது. அவர்கள் தற்போது நல்ல நிலையில் உள்ளனர். அவர்களுடைய அருகாமையில் வசிக்கும் நபர்களின பாதுகாப்புக்காக அந்தந்த பகுதிகளுக்கு சுகாதாரத்துறையினர் சென்று காய்ச்சல் தடுப்பு மாத்திரை, மருந்துகள் வழங்கியுள்ளனர்.

    ஆசாரிபள்ளம் அரசு மருத்துவக்கல்லூரி ஆஸ்பத்திரியில் சளி, காய்ச்சல் சிகிச்சைக்காக வந்த ஒருவர் ஆஸ்பத்திரியில் அனுமதிக்கப்பட்ட சிறிது நேரத்தில் இறந்துள்ளார். அவருடைய முழுமையான மருத்துவ சோதனை அறிக்கையை டாக்டர்கள் பார்த்த பிறகு தான் அவர் பன்றி காய்ச்சலால் இறந்தாரா? வேறு நோய்களின் காரணமாக இறந்தாரா? எனச்சொல்ல முடியும்.

    பன்றி காய்ச்சலை பொறுத்தவரை அனைத்து ஆஸ்பத்திரிகள் மூலமாக கண்காணிக்கப்பட்டு வருகிறது. மக்கள் அச்சம்கொள்ள வேண்டாம். வதந்திகளை நம்ப வேண்டாம். இந்த நோயை கட்டுப்படுத்தலாம். அதற்கான மருந்து, மாத்திரைகள் தேவையான அளவு இருப்பில் உள்ளன.

    வெளிமாநிலங்கள், வெளிநாட்டில் இருந்து யாராவது வந்தால் அவர்கள் பற்றிய தகவலையும் சேகரித்து வருகிறோம். பொதுமக்கள் காய்ச்சல் அறிகுறி இருந்தால் உடனடியாக அருகில் உள்ள ஆஸ்பத்திரிக்கு சென்று சிகிச்சை பெற்றுக்கொள்ள வேண்டும். உங்களுக்கு தெரிந்தவர்கள் யாராவது இருந்தால் உடனடியாக தகவல் கொடுக்கலாம்.

    குமரி மாவட்டத்தை பொறுத்தவரை பாதுகாப்பான சூழ்நிலையில் தான் உள்ளது. இந்த விஷயத்தில் மாவட்ட நிர்வாகமும், மிகவும் எச்சரிக்கையோடும், விழிப்போடும் இருந்து வருகிறது. ஆசாரிபள்ளம் அரசு மருத்துவக் கல்லூரி ஆஸ்பத்திரியில் பன்றி காய்ச்சல் அறிகுறி உள்ளவர்களுக்கு சிகிச்சை அளிக்க சிறப்பு வார்டும் ஏற்படுத்தி உள்ளோம்.

    இவ்வாறு கலெக்டர் பிரசாந்த் வடநேரே கூறினார்.
    News