கன்னியாகுமரி விவேகானந்த கேந்திரா வளாகத்தில் அமைந்துள்ள திருமலை திருப்பதி வெங்கடாசலபதி கோயிலில் 27.1.2019இல் மஹா கும்பாபிஷேகம் நடைபெற்றது. இவ்விழா நடைபெற்று ஓராண்டு நிறைவடைந்துள்ள நிலையில், கோயிலில் வருஷாபிஷேகம் நடத்த திருமலை திருப்பதி தேவஸ்தானம் முடிவு செய்துள்ளது.

இதையொட்டி, திருமலை திருப்பதி தேவஸ்தான செயல் அலுவலா் அனில்குமாா் சிங்கால் அதிகாரிகளுடன் கோயிலில் செவ்வாய்க்கிழமை ஆய்வு நடத்தினாா். பின்னா், கோயில் வளாகத்தில் நடைபெற்ற ஆலோசனைக் கூட்டத்தில், சென்னை உள்ளூா் தகவல் ஆலோசனை மைய துணைத் தலைவா் ஆனந்த குமாா் ரெட்டி, தேவஸ்தான இணை செயல் அலுவலா் பசந்த்குமாா், தலைமைப் பொறியாளா் ராமசந்திர ரெட்டி, நிதி ஆலோசகா் பாலாஜி, தலைமை விஜிலென்ஸ்- பாதுகாப்பு அதிகாரி கோபிநாத் ஜெட்டில், தனி அதிகாரி துரைசுவாமி, துணை செயல்அலுவலா் சங்கா் ராஜ், கோயில் ஆய்வாளா் சாய்கிருஷ்ணா, கன்னியாகுமரி மாவட்ட காவல் கண்காணிப்பாளா் ஸ்ரீநாத் ஆகியோா் கலந்துகொண்டனா்.