" “No matter how hard the past, you can always begin again.”"

குமரியில் கொரோனாவுக்கு பலி எண்ணிக்கை 16 ஆக உயர்வு புதிதாக 113 பேருக்கு பாதிப்பு

Views - 81     Likes - 0     Liked


  • நாகர்கோவில்,

    குமரி மாவட்டத்தில் நாளுக்கு நாள் கொரோனா பாதிப்பு அதிகரித்து வருகிறது. கடந்த சில நாட்களாக பாதிக்கப்படுபவர்களின் எண்ணிக்கை தினமும் நூற்றுக்கு மேலாக உள்ளது. நேற்று முன்தினம் இரவு வரை குமரியில் கொரோனாவால் பாதிக்கப்பட்டவர்களின் எண்ணிக்கை 2 ஆயிரத்து 22 ஆக உயர்ந்துள்ளதுகொரோனாவால் பாதிக்கப்பட்டவர்களின் எண்ணிக்கை ஆசாரிபள்ளம் ஆஸ்பத்திரி, ஆசாரிபள்ளம் தனியார் பள்ளி, கோணம் அரசு என்ஜினீயரிங் கல்லூரி, பாலிடெக்னிக் கல்லூரி ஆகியவற்றில் ஆயிரத்துக்கும் மேற்பட்ட நோயாளிகள் சிகிச்சை பெற்று வருகிறார்கள். ஒவ்வொரு நாளும் நூற்றுக்கும் மேற்பட்டோரை உள்நோயாளிகளாக அனுமதிக்கப்பட வேண்டியிருப்பதால்; தற்போது அமைக்கப்பட்டுள்ள கொரோனா சிகிச்சை மையங்கள் போதுமானதாக இல்லை.

    மேலும் ஒரு முதியவர் சாவு

    இதனால் அதிகாரிகள் தினமும் மாவட்டம் முழுவதும் சிகிச்சை மையங்களை தேர்வு செய்யும் பணியிலும், அவற்றில் படுக்கைகள் அமைக்கும் பணியிலும் தீவிரம் காட்டி வருகிறார்கள். நேற்று நாகர்கோவில் கோட்டார் அரசு ஆயுர்வேத மருத்துவக்கல்லூரியில் ஏற்பாடு செய்யப்பட்டுள்ள கொரோனா சிகிச்சை மையத்தில் நோயாளிகளை அனுமதிப்பதற்கான ஆய்வுகளை மேற்கொண்டனர். இன்னும் ஒன்றிரண்டு நாட்களில் ஆயுர்வேத ஆஸ்பத்திரி கொரோனா சிகிச்சை மையத்திலும் நோயாளிகள் அனுமதிக்கப்படுவார்கள் என்று எதிர்பார்க்கப் படுகிறது.

    நேற்று முன்தினம் நள்ளிரவில் மார்த்தாண்டம் நந்தன்காடு பகுதியைச் சேர்ந்த 73 வயது முதியவர் கொரோனா தொற்றுடன் ஆஸ்பத்திரியில் அனுமதிக்கப்பட்டிருந்தார். அவர் சிகிச்சை பலன் இன்றி பரிதாபமாக இறந்தார். இவர் நாகர்கோவில் மகளிர் போலீஸ் நிலையத்தில் பணியாற்றும் ஒரு பெண் போலீசாரின் தந்தை ஆவார். இவருடன் குமரி மாவட்டத்தில் கொரோனாவால் இறந்தவர்களின் எண்ணிக்கை 16 ஆக உயர்ந்துள்ளது.

    2,135 ஆக அதிகரிப்பு

    நேற்றும் குமரி மாவட்டத்தில் ஆசாரிபள்ளம் அரசு மருத்துவக்கல்லூரி ஆஸ்பத்திரி பரிசோதனை மையம் மற்றும் தனியார் பரிசோதனை மையம் மூலமாக 113 பேருக்கு கொரோனா தொற்று கண்டறியப்பட்டுள்ளது. இதனால் கொரோனா பாதிப்பு எண்ணிக்கை 2,135 ஆக உயர்ந்துள்ளது. இதில் நாகர்கோவிலில் மட்டும் நேற்று ஒரே நாளில் 26 பேர் பாதிக்கப்பட்டுள்ளனர். ஆசாரிபள்ளம் அரசு ஆஸ்பத்திரியில் சிகிச்சை பெற்று வந்தவர்களில் நேற்று 73 பேர் டிஸ்சார்ஜ் ஆனார்கள்.

    இவ்வாறு உயரும் கொரோனா பாதிப்பால் குமரி மாவட்ட மக்கள் அதிர்ச்சிக்கு ஆளாகியுள்ளனர்

    News