" “Not only must we be good, but we must also be good for something.” – Henry David Thoreau"

தொடர்மழையால் நீர்நிலைகளில் தண்ணீர் உயர்வு

Views - 58     Likes - 0     Liked


  • கன்னியாகுமரி மாவட்டத்தில் பெய்து வரும் மழையால் நீர்நிலைகளில் தண்ணீர் மடமட என்று உயர்ந்து வருகிறது. கன்னியாகுமரி மாவட்டத்தில் கடந்த சில நாட்களாக மழை பெய்து வருகிறது. இந்நிலையில் தற்போது 2 தினங்களாக காலையில் மழை பெய்து வருகிறது. இதனால் ரோடுகளில் தண்ணீர் ஆறுபோல் ஓடியது. காலையில் வேலைகளுக்கு சென்றவர்கள் நனைந்தும், குடைபிடித்தும் சென்றனர்.

    நாகர்கோவில் பகுதிகளில் பாதாள சாக்கடை பணிக்கும், குடிநீர் குழாய் பதிக்க குழிகள் தோண்டப்பட்ட இடங்களில் மக்கள் நடந்து செல்லவே சிரமம் ஏற்படும் வகையில் சகதிகாடாக இருக்கிறது. மாவட்டத்தில் பெய்து வரும் மழையால் நீர்நிலைகளில் தண்ணீர் மடமட என்று உயர்ந்து வருகிறது. மாவட்டத்தில் பெய்த மழையின் அளவாக சிற்றாறு ஒன்று 18.2 மில்லி மீட்டராகவும், சிற்றாறு இரண்டு 18.2, குழித்துறை 33, நாகர்கோவில் 32.8, பேச்சிப்பாறை 16.4, பெருஞ்சாணி 16.6, புத்தன் அணை 15.2, சுருளோடு 17.2, தக்கலை 59, குளச்சல் 14, இரணியல் 44, பாலமோர் 18.2, மாம்பழத்துறையாறு 35, கோழிப்போர்விளை 58, அடையாமடை 36, குருந்தன்கோடு 50, முள்ளங்கிணாவிளை 52, ஆணைக்கிடங்கு 32.4, ஆரல்வாய்மொழி 3.6, மயிலாடி 18.2, கொட்டாரம் 32, கன்னிமார் 2.8, களியல் 1.3, பூதப்பாண்டி 5, முக்கடல் அணை 4.6 மில்லி மீட்டராக பதிவாகி உள்ளது. அணைகளின் நீர்மட்டமாக பேச்சிப்பாறை 30.30 அடியும், உள்வரவாக 723 கன அடி தண்ணீர் வந்து கொண்டிருந்தது. 426 கன அடி தண்ணீர் வெளியேறி கொண்டிருந்தது. பெருஞ்சாணி 62.30 அடியாகவும், உள்வரவாக 665 கன அடி தண்ணீர் வந்து கொண்டிருந்தது. சிற்றாறு ஒன்று 10.20 அடியாகவும், 70 கன அடி தண்ணீர் உள்வரவாக வந்து கொண்டிருந்தது. சிற்றாறு இரண்டு 10.30 அடியாகவும் உள்வரவாக 110 கன அடி தண்ணீர் வந்து கொண்டிருந்தது. பொய்கை 10.20 அடி தண்ணீர் இருந்தது. மாம்பழத்துறையாறு 52.41அடி தண்ணீர் இருந்தது. 9 கன அடி தண்ணீர் உள்வரவாக வந்து கொண்டிருந்தது. முக்கடல் அணை 15.2 அடியாகவும் உள்வரவாக ஒரு கன அடி தண்ணீரும், 7.42 கன அடி தண்ணீர் வெளியேறி கொண்டிருந்தது

    News