நாகா்கோவிலில் கடன் வாங்கித் தருவதாக ரூ.74 லட்சம் மோசடி: பெண்கள் புகாா்

Views - 13 Likes - 0 Liked

நாகா்கோவிலில் கடன் வாங்கித் தருவதாக ரூ. 74 லட்சம் மோசடி செய்ததாக மாவட்ட ஆட்சியரிடம் பெண்கள் செவ்வாய்க்கிழமை புகாா் அளித்தனா்.

குமரி மாவட்டம், புதுக்கடை அருகேயுள்ள பைங்குளம் பகுதியைச் சோ்ந்த கோமதி உள்பட 15 பெண்கள், ஆட்சியா் பிரசாந்த் மு.வடநேரேவிடம் செவ்வாய்க்கிழமை அளித்த மனு விவரம்: குன்னத்தூா் பகுதியைச் சோ்ந்த பெண் ஒருவா் ஒரு அரசியல் கட்சியில் உள்ளாா். அவா், ஆட்சியா் அலுவலகத்தில் வேலைபாா்ப்பதாக கூறி, முக்காடு பகுதியைச் சோ்ந்த மற்றொரு பெண்ணை எங்களுக்கு அறிமுகப்படுத்தினாா். பின்னா், ஆட்சியா் அலுவலகத்தில் உள்ள டிரஸ்ட் வாயிலாக ரூ.10 லட்சம் கடன் வாங்கித் தருவதாகவும், அதற்காக ரூ. 2.5 லட்சம் பங்குத் தொகை கட்ட வேண்டும் என்றும் கூறினாா். இதை நம்பிய எங்களிடம் ஆதாா் அட்டை நகல், வங்கி கணக்கு புத்தகம் உள்ளிட்டவற்றுடன், மேற்கூறிய பங்குத்தொகையையும் மே- 2019இல் பெற்றுக்கொண்டாா்.

இந்நிலையில், தாம் வாகனத்தில் பணத்தை எடுத்து வரும்போது, அதிகாரிகள் பறிமுதல் செய்துவிட்டதாகவும், அவா்களுக்கு லஞ்சமாக ரூ.10 லட்சம் வழங்கவேண்டும்; இல்லையெனில் நாம் கடன் பெற முடியாது எனக் கூறி 15 பேரிடமிருந்து ரூ.73 லட்சத்து 62 ஆயிரத்தை வாங்கிக்கொண்டாா். ஆனால்,குறித்தபடி கடன்பெற்றுத் தராததால் பணத்தை திருப்பிக்கேட்ட எங்களை கொலை செய்துவிடுவதாக மிரட்டுகிறாா். எனவே, அவா் மீதும், இதறகு உடந்தையாக இருந்தவா்கள் மீதும் சட்டப்பூா்வ நடவடிக்கை எடுக்க வேண்டும் எனக் குறிப்பிடப்பட்டுள்ளது. மாவட்ட காவல் கண்காணிப்பாளா்அலுவலகத்திலும் 15 பேரும் புகாா் மனு அளித்துள்ளனா்.

News