" “You always pass failure on the way to success.”"

கற்போம் எழுதுவோம் இயக்கம் தன்னார்வலர்களுக்கான பயிற்சி

Views - 43     Likes - 0     Liked


  • புதிய வயது வந்தோர் கல்வி திட்டம் கற்போம் எழுதுவோம் இயக்கம் மூலம் கன்னியாகுமரி மாவட்டத்தில் தன்னார்வலர்களுக்கான பயிற்சி நடந்தது.

    பள்ளிசாரா மற்றும் வயதுவந்தோர் கல்வி துறை சேர்ந்த புதிய வயது வந்தோர் கல்வித் திட்டம் மூலம் கற்போம் எழுதுவோம் இயக்கம் என்ற புதிய திட்டம் கன்னியாகுமரி மாவட்டத்தில் நடைமுறைப்படுத்தப்பட உள்ளது. இதன் மூலம் 15 வயதிற்கு மேற்பட்ட முற்றிலும் எழுதவும் படிக்கவும் தெரியாத கல்லாதோருக்கு அடிப்படை எழுத்தறிவை வழங்கிடுவதே இதன் நோக்கமாகும்.

    கன்னியாகுமரி மாவட்டத்தில் 3318 கல்லாதோர் அடையாளம் காணப்பட்டு உள்ளனர். இவர்களுக்கு எழுத படிக்க பயிற்றுவிப்பதற்காக கடந்த அக்டோபர் மாதம் 27 ம் தேதி முதன்மை கல்வி அலுவலர் தலைமையில் ஆலோசனை கூட்டமும் கடந்த 5 ம் தேதி 9 வட்டார வளமையங்களில் 180 கற்றல் மையங்கள் தேர்ந்தெடுத்தல் தொடர்பான கூட்டமும் நடந்தது. மாநில அளவில் கற்போம் எழுதுவோம் இயக்கம் சார்பில் மாவட்ட கருத்தாளர்களுக்கு கடந்த 6 மற்றும் 7 ம் தேதிகளில் 2 நாட்கள் திருச்சிராப்பள்ளியில் வைத்து 2 ஆசிரியர் பயிற்றுநருக்கும் 1 ஆசிரியருக்கும் பயிற்சி வழங்கப்பட்டது.

    மாவட்ட அளவில் 10 மற்றும் 11 ம் தேதிகளில் 27 மாவட்ட கருத்தாளர்களுக்கு பயிற்சி வழங்கப்பட்டது. 18 மற்றும் 19 ம் தேதிகளில் மாவட்ட அளவில் பயிற்சி பெற்ற 27 கருத்தாளர்களும் 180 மையங்களில் பணியாற்றவிருக்கும் 187 தன்னார்வலர்களுக்கும் 4 கல்வி மாவட்டங்களில் வைத்து பயிற்சி நடக்கிறது. நாகர்கோவில் கல்வி மாவட்டத்தில் ஒருங்கிணைந்த கல்வி கூட்ட அரங்கம் முதன்மைக் கல்வி அலுவலம் நாகர்கோவிலிலும், தக்கலை கல்வி மாவட்டத்தில் அரசு மேல்நிலைப் பள்ளி தக்கலையிலும், குழித்துறை கல்வி மாவட்டத்தில் அரசு மேல்நிலைப் பள்ளி முஞ்சிறையிலும், திருவட்டார் கல்வி மாவட்டத்தில் அரசு பெண்கள் மேல்நிலைப் பள்ளி மார்த்தாண்டம் ஆகிய இடங்களில் பயிற்சி வழங்கப்படுகிறது. நாகர்கோவில் கல்வி மாவட்டத்தில் 40 தன்னார்வலர்களுக்கான பயிற்சியை மாவட்ட முதன்மை கல்வி அலுவலர் ராமன் துவக்கி வைத்தார், மாவட்ட கல்வி அலுவலர் மோகனன், உதவித்திட்ட அலுவலர் பாக்கியசீலன், வட்டார கல்வி அலுவலர் சோபனகுமார், மாவட்ட ஒருங்கிணைப்பாளர் சுகிதா ஜோஸ், மேற்பார்iவாயாளர்கள் ஆகஸ்டா நேவிஸ்மலர், ஜெயக்குமாரி மற்றும் கருத்தாளர்களும் கலந்து கொண்டனர். மேலும் வரும் 23 ம் தேதி முதல் 3318 கல்லாதோருக்கும் 180 மையங்களில் வைத்து சிறப்பு பயிற்சி துவங்கப்பட உள்ளது.

    News