" “Not only must we be good, but we must also be good for something.” – Henry David Thoreau"

உடல்தகுதி சோதனையில் தேறினார்: ஆஸ்திரேலியாவுக்கு புறப்படுகிறார் ரோகித் சர்மா - கடைசி இரு டெஸ்டில் விளையாடுவார்

Views - 60     Likes - 0     Liked


  • பெங்களூரு,
     
    இந்திய கிரிக்கெட் அணியின் முன்னணி பேட்ஸ்மேன் 33 வயதான ரோகித் சர்மாவுக்கு ஐ.பி.எல். கிரிக்கெட் தொடரின் போது இடதுகால் தொடையில் தசைநாரில் கிழிவு ஏற்பட்டது. இதனால் அவர் ஆஸ்திரேலியாவுக்கு எதிரான தொடருக்கான இந்திய அணிக்கு தேர்வு செய்யப்படவில்லை. ஆனால் கடைசிகட்ட ஐ.பி.எல். ஆட்டங்களில் விளையாடிய அவர் தான் நன்றாக இருப்பதாக கூறினார். இதனால் அவரது காயத்தன்மை விஷயத்தில் குழப்பம் ஏற்பட்டது. பிறகு ஆஸ்திரேலியாவுக்கு எதிரான டெஸ்ட் தொடருக்கான இந்திய அணியில் மட்டும் சேர்க்கப்பட்டார். பெங்களூருவில் உள்ள தேசிய கிரிக்கெட் அகாடமியில் உடல்தகுதியை நிரூபிக்கும்படியும் அறிவுறுத்தப்பட்டார். இதையடுத்து கிரிக்கெட் அகாடமியில் உடல்தகுதியை மீட்டெடுப்பதற்கான பயிற்சி முறைகளை மேற்கொண்டார். ஆனால் முழு உடல்தகுதியை எட்ட 3-4 வாரங்கள் ஆகும் என்று தேசிய கிரிக்கெட் அகாடமி தரப்பில் தெரிவிக்கப்பட்டது. அதுவரை சிறிய பயிற்சிகளுடன் ஓய்வில் இருக்கும்படி கேட்டுக்கொள்ளப்பட்டார்.
     
    இந்த நிலையில் ரோகித் சர்மாவுக்கு, தேசிய கிரிக்கெட் அகாடமியில் அதன் இயக்குனர் ராகுல் டிராவிட் முன்னிலையில் நேற்று இறுதிகட்ட உடல்தகுதி சோதனை நடந்தது. இந்த சோதனையில் அவர் தேறினார். தற்போது உடலில் எந்த பிரச்சினையும் இன்றி சவுகரியமாக இருப்பதாக கூறினார். அகாடமி மருத்துவரும் இதை உறுதிப்படுத்தினார்.
     
    ரோகித் சர்மா காயத்தில் இருந்து முழுமையாக குணமடைந்து விட்டதற்கான உடல்தகுதி சான்றிதழை தேசிய கிரிக்கெட் அகாடமி, இந்திய கிரிக்கெட் வாரியத்திற்கு அனுப்பியுள்ளது. இதையடுத்து ரோகித் சர்மா உடனடியாக ஆஸ்திரேலியாவுக்கு புறப்படுகிறார். விமானம் மூலம் மும்பையில் இருந்து துபாய் செல்லும் ரோகித் சர்மா அங்கிருந்து நாளை சிட்னிக்கு கிளம்புகிறார்.
     
    ஆஸ்திரேலியா அரசாங்கத்தின் கொரோனா தடுப்பு கட்டுப்பாடுகளின்படி ரோகித் சர்மா அங்கு 14 நாட்கள் தனிமைப்படுத்தப்படுவார். தனிமைப்படுத்தும் நடைமுறையை முடித்த பிறகே பயிற்சியை தொடங்க அனுமதிக்கப்படுவார். சிட்னியில் இருந்து மெல்போர்ன் செல்வதற்கு நிறைய பயணக்கட்டுப்பாடுகள் இருப்பதால் கிறிஸ்துமஸ் முடிந்த பிறகு அவர் இந்திய அணியினருடன் இணைவார் என்று எதிர்பார்க்கப்படுகிறது. இதனால் ஆஸ்திரேலியாவுக்கு எதிராக அடிலெய்டு (டிச.17-21), மெல்போர்ன் (டிச.26-30) ஆகிய நகரங்களில் நடைபெறும் முதல் இரு டெஸ்ட் போட்டிகளில் அவர் விளையாட முடியாது.
     
    இந்தியா- ஆஸ்திரேலியா இடையிலான 3-வது டெஸ்ட் போட்டி சிட்னியில் ஜனவரி 7-ந்தேதியும், 4-வது மற்றும் கடைசி டெஸ்ட் போட்டி ஜனவரி 15-ந்தேதி பிரிஸ்பேனிலும் தொடங்குகிறது. இவ்விரு டெஸ்ட் போட்டிகளில் மட்டும் அவர் விளையாடுவார்.
     

     
    News