" “The best preparation for tomorrow is doing your best today.”"

கொடைக்கானலில் மலர் கண்காட்சிக்காக 1½ லட்சம் செடிகள் நடவு

Views - 60     Likes - 0     Liked


  • அந்த செடிகளில் பூக்கள் மலர ஆரம்பித்துவிட்டதால் அதை பார்வையிடும் சுற்றுலா பயணிகள் உற்சாகம் அடைந்துள்ளனர்.

    மலர் கண்காட்சி

    ‘மலைகளின் இளவரசி’ என வர்ணிக்கப்படும் கொடைக்கானலில், ஆண்டுதோறும் மலர் கண்காட்சி நடத்தப்படும். இதில், பல லட்சம் வண்ண மலர்கள் பூத்துக்குலுங்கும். இதைக் காண தமிழகம் மட்டுமின்றி வெளிமாநிலம் மற்றும் வெளிநாடுகளில் இருந்து சுற்றுலா பயணிகள் படையெடுப்பார்கள்.

    அதன்படி இந்த ஆண்டு மலர் கண்காட்சி அடுத்த மாதம் (மே) கடைசி வாரம் தொடங்கும் என்று எதிர்பார்க்கப்படுகிறது. இதற்காக கொடைக்கானல் பிரையண்ட் பூங்காவில், பல்வேறு பகுதிகளில் இருந்து கொண்டு வரப்பட்ட பூச்செடிகள் நடவு செய்யப்பட்டு பராமரிக்கப்பட்டு வருகின்றன. பெகோனியா, பால்சம், பிரைமுலாஸ், மெரிகோல்டு, அஸ்டமேரியா, சால்வியா, டெல்பினியம், பிளாக்ஸ், பேன்சி உள்ளிட்ட பல்வேறு வகையான பூச்செடிகள் நடவு செய்யப்பட்டுள்ளன.

    பூத்துக்குலுங்கும் மலர்கள்

    இதில் பெரும்பாலான பூச்செடிகள் பூத்துக்குலுங்க ஆரம்பித்துவிட்டன. இது பல வண்ணங்களில் பூத்திருப்பது சுற்றுலா பயணிகளை கவர்ந்திழுக்கிறது. பூத்துக்குலுங்கும் பூக்களை சுற்றுலா பயணிகள் உற்சாகத்துடன் கண்டு ரசிக்கின்றனர். அடுத்த மாதம் முதல் வாரத்தில், அனைத்து பூச்செடிகளும் பூக்கும் என்று தோட்டக்கலை அலுவலர்கள் தெரிவித்துள்ளனர்.

    இதுகுறித்து தோட்டக்கலைத்துறை அலுவலர் கூறும்போது, ‘பிரையண்ட் பூங்காவில் மலர் கண்காட்சிக்காக 1½ லட்சம் செடிகள் நடவு செய்யப்பட்டுள்ளன.

    அதில் ஒரு சில செடிகள் பூக்கத் தொடங்கியுள்ளன. பூக்காத செடிகள் அடுத்த மாதம் முதல் வாரத்தில் பூக்கத் தொடங்கும். மலர்க்கண்காட்சியில் அரசுத்துறை மற்றும் தனியார் நிறுவனங்கள் சார்பில் தோட்டங்கள் அமைக்கலாம். இதில், சிறந்த தோட்டங்கள் தேர்வு செய்யப்பட்டு பரிசுகள் வழங்கப்படும்.

    எனவே கண்காட்சியில் கலந்து கொள்ள விரும்பும் அரசுத்துறை மற்றும் தனியார் தோட்ட நிறுவனங்கள் வரும் 30-ந் தேதிக்குள் தோட்டக்கலைத்துறையில் விண்ணப்பிக்க வேண்டும்’ என்றார்.

    News