இந்த சட்டத்துக்கு எதிராக டெல்லியில் மாணவ- மாணவிகள் போராட்டத்தில் ஈடுபட்டனர். அப்போது, மாணவர்களின் போராட்டத்தை கட்டுப்படுத்த போலீசார் நடத்திய தடியடியில் பலர் படுகாயம் அடைந்தனர்.

திடீர் போராட்டம்

இதற்கு கண்டனம் தெரிவித்து தமிழகத்திலும் கல்லூரி மாணவ- மாணவிகள் போராட்டத்தில் குதித்துள்ளனர். இந்தநிலையில் நாகர்கோவிலிலும் நேற்று 2 கல்லூரிகளை சேர்ந்த மாணவர்கள் திடீர் போராட்டத்தில் ஈடுபட்டனர்.

அதாவது, நாகர்கோவில் பயோனியர் குமாரசாமி கலைக்கல்லூரியில் மாணவ-மாணவிகள் வகுப்புகளை புறக்கணித்து, உள்ளிருப்பு போராட்டம் நடத்தினார்கள். அப்போது கோரிக்கைகளை வலியுறுத்தி கோஷங்களை எழுப்பினர். இதேபோல் நாகர்கோவில் ஸ்காட் கிறிஸ்தவ கலைக்கல்லூரியிலும் மாணவர்கள் வகுப்புகளை புறக்கணித்து, உள்ளிருப்பு போராட்டத்தில் ஈடுபட்டார்கள்.