நாகர்கோவில்,

 

டெல்லி ஜவகர்லால் நேரு மத்திய பல்கலைக்கழகத்தின் விடுதி கட்டண உயர்வை திரும்ப பெறக்கோரி மாணவ, மாணவிகள் கடந்த சில நாட்களாக போராட்டம் நடத்தினர். கடந்த 5-ந் தேதியன்று இரவு அங்குள்ள ஆசிரியர் சங்கம் சார்பில் பல்கலைக்கழக வளாகத்தில் தேர்வுகள் குறித்து ஆலோசனை கூட்டம் நடந்தது. இதில் ஏராளமான மாணவர்கள் மற்றும் ஆசிரியர்கள் பங்கேற்றனர். அப்போது முகமூடி அணிந்தபடி ஒரு கும்பல் அங்கிருந்த மாணவர்களையும், ஆசிரியர்களையும் சரமாரியாக தாக்கினர். இந்த சம்பவத்ைத கண்டித்து நாடு முழுவதும் உள்ள கட்சி தலைவர்கள், பல்வேறு அமைப்புகள் மற்றும் மாணவர்கள் போராட்டம் நடத்தி வருகின்றனர். அதேபோல் தமிழகத்திலும் ஆங்காங்கே போராட்டங்கள் நடந்து வருகிறது.