73958 58821   kumarinet.ngl@gmail.com

" “If opportunity doesn't knock, build a door.”"

குமரியில் மேலும் தொற்று இல்லை:ஒரே நாளில் 163 பேருக்கு கொரோனா பரிசோதனைகலெக்டர் தகவல்

Views - 290     Likes - 0     Liked


  • நாகர்கோவில், 
     
    குமரி மாவட்டத்தில் ஒரே நாளில் 163 பேருக்கு கொரோனா பரிசோதனை செய்யப்பட்டு உள்ளது. 201 பேருக்கான பரிசோதனை முடிவுகள் இன்னும் வரவில்லை.
     
    கொரோனா பரிசோதனை
     
    குமரி மாவட்டத்தில் 16 கொரோனா பாதிப்பால் சிகிச்சை பெற்று வருகிறார்கள். மேலும் பலரின் ரத்தம் மற்றும் சளி மாதிரிகள் பரிசோதனை செய்யப்பட்டு வருகின்றன. அந்த வகையில் நேற்று முன்தினம் வரை கொரோனா பரிசோதனை செய்தவர்களின் எண்ணிக்கை 755 ஆக இருந்தது. இந்த நிலையில் நேற்று ஒரே நாளில் 163 பேருக்கு கொரோனா பரிசோதனை செய்யப்பட்டு உள்ளது.
     
    இதன் மூலம் குமரி மாவட்டத்தில் தற்போது வரை கொரோனா பரிசோதனை செய்யப்பட்டவர்களின் எண்ணிக்கை 918 ஆக உயர்ந்துள்ளது. பாதிக்கப்பட்டவர்களின் எண்ணிக்கை கூடாததால் மக்கள் நிம்மதியாக உள்ளனர். இதுதொடர்பாக கலெக்டர் பிரசாந்த் வடநேரே வெளியிட்டுள்ள செய்திக்குறிப்பில் கூறப்பட்டு இருப்பதாவது:-
     
    தனிமைப்படுத்தல்
     
    குமரி மாவட்டத்தில் மொத்தம் 918 பேர் கொரோனா நோய் தொற்று சந்தேகப்பட்டியலில் இருந்து சோதனை செய்யப்பட்டு உள்ளனர். இதில் இதுவரை 16 பேருக்கு கொரோனா பாதிப்பு உள்ளது கண்டறியப்பட்டு உள்ளது. 701 பேருக்கு கொரோனா நோய் தொற்று இல்லை. மீதமுள்ள நபர்களுக்கு பரிசோதனை முடிவுகள் இன்னும் வரவில்லை. மாவட்டம் முழுவதும் மொத்தம் 566 நபர்கள் வீட்டு தனிமைப்படுத்தலில் வைக்கப்பட்டுள்ளனர்.
     
    இதில் 353 நபர்கள் வெளிநாட்டில் இருந்து வந்தவர்கள் ஆவர். மேலும் 213 நபர்கள் கொரோனா நோய் தொற்று ஏற்பட்டு உள்ளவர்களோடு தொடர்பில் இருந்ததால் அவர்களும் வீட்டு தனிமைப்படுத்தலில் வைக்கப்பட்டுள்ளனர்.
     
    பொருளட்டு கடன்
     
    ரப்பர் உற்பத்தி செய்யும் சிறு, குறு விவசாயிகள் மற்றும் வியாபாரிகள் தாங்கள் உற்பத்தி செய்யும் ரப்பர் ஷீட்டுகளை ஒழுங்குமுறை விற்பனை கூடத்தில் இருப்பு வைத்து அதற்கு பொருளட்டு கடன் பெறலாம். இவ்வாறு வழங்கப்படும் பொருளட்டு கடனுக்கு ஒரு மாத காலம் வரை வட்டி கிடையாது.
     
    அமைப்பு சாரா தொழிலாளர்களுக்கு அரசு அறிவித்துள்ள அரிசி, பருப்பு, எண்ணெய் ஆகியவை அடங்கிய தொகுப்பை அமைப்பு சாரா தொழிலாளர் பதிவு அட்டையை பயன்படுத்தி சம்பந்தப்பட்ட ரேஷன் கடைகளில் பெற்றுக் கொள்ளலாம்.
     
    ஒத்துழைப்பு
     
    குமரி மாவட்டத்தில் 20-ந் தேதிக்கு (அதாவது இன்று) பிறகு எந்தெந்த தொழிற்சாலைகள், வணிக நிறுவனங்கள் மற்றும் இதர சேவைகள் இயங்கலாம் என்பது குறித்த அறிவிப்புகள் வெளியிடப்படும் வரை தற்போதுள்ள கட்டுப்பாடுகள் தொடர்ந்து நீடிக்கும். கொரோனா நோய் தொற்றினை முற்றிலுமாக அகற்ற பொதுமக்கள் ஊரடங்கு காலத்தில் அரசுக்கு தொடர்ந்து ஒத்துழைப்பு வழங்க வேண்டும்.
     
    இவ்வாறு அதில் கூறப்பட்டுள்ளது.
    News