நாகர்கோவில், 

 

குமரி மாவட்ட பள்ளிகளில் “ஹால்டிக்கெட்“ பெறுவதற்கு எஸ்.எஸ்.எல்.சி. மாணவ- மாணவிகள் திரண்டனர். அவர்களுக்கு தலா 2 முக கவசங்களும் வழங்கப்பட்டன.

 

ஹால் டிக்கெட்

 

கொரோனா பரவல் காரணமாக தமிழகத்தில் எஸ்.எஸ்.எல்.சி. தேர்வை வருகிற 15-ந் தேதி நடத்த தமிழக அரசு முடிவு செய்தது. இதற்காக புதிய அட்டவணை வெளியிடப்பட்டுள்ளது. மேலும் மாணவ-மாணவிகள் அந்தந்த பள்ளியிலேயே தேர்வு எழுதும் வகையில் மையங்களும் அதிகரிக்கப்பட்டுள்ளன. இந்த தேர்வுடன் சேர்த்து பிளஸ்-1 மாணவ-மாணவிகளுக்கு விடுபட்ட ஒரு பாடத்துக்கு உரிய தேர்வையும் நடத்த கல்வித்துறை முடிவு செய்துள்ளது. இதையடுத்து கடந்த சில தினங்களுக்கு முன் ஹால் டிக்கெட் ஆன்லைனில் வெளியிடப்பட்டது. பல மாணவ-மாணவிகள் ஆன்லைனிலேயே தங்களது ஹால்டிக்கெட்டுகளை பதிவிறக்கம் செய்தனர்